Бишкек, 28.07.26 /Кабар/. Өлкөдө мектептер 12 жылдык окуу системасына акырындык менен өтүп жатат.
Агартуу министрлигинин маалыматына ылайык, аталган билим берүү моделине 1, 2, 3, 5, 7 жана 8-класстардын окуучулары өтүп, жаңы окуу программалары жана жаңы окуу китептери менен билим алышат. Ошондой эле 8-класстарда келечектеги кесипти тандоого жардам берүүчү багыттагы сабактар жумасына 2 сааттан киргизилет.
Ал эми 11 жылдык система боюнча окуусун уланткан 3, 4, 9, 10 жана 11-класстар мурдагыдай эле 11 жылдык мектеп үчүн даярдалган программалар жана окуу материалдары менен окушат.
