Бишкек, 01.04.26. /Кабар/. Жаза аткаруу тутумунда коррупцияга каршы семинар өткөрүлдү. Бул тууралуу Башкы прокуратурадан билдиришти.
Маалыматка ылайык, Коррупцияга каршы мамлекеттик стратегиянын алкагында Жазык-аткаруу тутумунун органдарында жана мекемелеринде мыйзамдардын сакталышын көзөмөлдөө прокуратурасы тарабынан кызматкерлер үчүн коррупциянын алдын алуу жана мыйзамдуулукту бекемдөө багытында жыйын өткөрүлдү.
"Анда өзгөчө көңүл коррупциялык укук бузуулардын алдын алууга, кызматтык милдеттерди аткарууда мыйзамдуулукту сактоого жана мыйзам бузуулар үчүн жоопкерчиликти жогорулатуу чараларына бурулду. Мындай иш-чаралар мамлекеттик органдарда ачык-айкындуулукту бекемдеп, коррупцияга каршы күрөштүн натыйжалуулугун жогорулатууга багытталган", — деп айтылат маалыматта.
