Бишкек, 21.09.26. /Кабар/. Министрлер кабинетинин төрагасы Адылбек Касымалиев өлкөнүн социалдык-экономикалык өнүгүүсүнүн бир катар актуалдуу маселелери каралган аппараттык кеңешме өткөрдү.
Жыйында эмгек менен камсыз кылуу маселелери талкууланып, министрлер кабинетинин төрагасы жарандар үчүн жумуш издөөдө кошумча мүмкүнчүлүктөрдү түзүүнүн маанилүүлүгүн белгиледи.
Бул контекстте ал жумуш издөөчүлөргө актуалдуу бош орундарды табууга, ал эми иш берүүчүлөргө жумуш орундарынын бар экендиги жөнүндө маалымат жайгаштырууга мүмкүндүк берген Jumush.gov жана Find-ish санарип платформалары түзүлгөндүгүн белгиледи.
