Бишкек, 10.12.25. /Кабар/. Бүгүн саат 10:00дөн тарта Бишкек - Ош унаа жолундагы Төө-Ашуу ашуусунда Сосновка постунда оор жүк ташуучу унаалар үчүн убактылуу коюлган чектөө алынды. Бул тууралуу "Кыргызавтожол" мамлекеттик ишканасынан билдиришти.
Маалыматка ылайык, жолчулар күнү-түнү иштеп, жолдорду кардан тазалоо жана инерттик материалдарды себүү иштерин жүргүзүүдө.
Жолдордун абалы "Кыргызавтожол-Түндүк" мамлекеттик ишканасынын көзөмөлүндө турат.
