Бишкек, 26.06.25. /Кабар/. Президент Садыр Жапаров бүгүн, 26-июнда Беларуста өтүп жаткан IV Евразиялык экономикалык форумга катышууда.
Евразия экономикалык бирлигине мүчө-мамлекеттердин башчылары - Кыргызстандын президенти Садыр Жапаров, Армениянын премьер-министри Никол Пашинян (видеоконференция форматында), Беларусь президенти Александр Лукашенко, Казакстан президенти Касым-Жомарт Токаев, Россия президенти Владимир Путин жана Евразия экономикалык комиссиясынын коллегиясынын төрагасы Бакытжан Сагинтаев кызматташуунун келечектүү багыттарын жана мүчө-мамлекеттердин экономикасынын туруктуулугун жогорулатуу маселелерин талкуулашат.
Форум башталар алдында иш-чарага келген делегация башчыларын Беларусь президенти Александр Лукашенко тосуп алды.
Андан соң форум делегация мүчөлөрүнүн катышуусунда кеңейтилген курамда уланмакчы, анда ЕАЭБ мамлекеттеринин лидерлери сөз сүйлөшөт.
