Бишкек, 20.02.25. /Кабар/. Новопавловкада каттоодон өтпөгөн мечиттерге эскертүүлөр берилди.
Дин иштери боюнча мамлекеттик комиссиядан билдиришкендей, 2021-2026-жылдар аралыгындагы диний чөйрөдөгү мамлекеттик саясаттын концепциясын ишке ашыруу максатында Новопавловка муниципалдык аймактык башкармалыгынын аймагында жайгашкан диний мекемелердин ишмердүүлүгүнө 2 күндүк мониторинг жүргүзүлдү. Каттоодон өтпөгөн мечиттерге эскертүүлөр берилип, акт түзүлдү.
Мониторинг учурунда жаңы кабыл алынган мыйзамдын алкагында диний мекемелерди кайрадан каттоо тууралуу түшүндүрүү иштери жүргүзүлдү.
Комиссиянын курамына Дин иштери боюнча мамлекеттик комиссиясынын, Ленин районунун мамлекеттик администрациясынын, РИИБдин 10 бөлүмүнүн, Новопавловка муниципалдык аймактык башкармалыгынын өкүлдөрү жана Бишкек шаардык МСЭКБнын санитардык кызматкерлери кирди.
