Бишкек, 13.02.26. /Кабар/. Кыргызстандык студенттер Россия бажы академиясынын эң мыкты чет өлкөлүк студенттери деп табылды. Бул тууралуу Мамлекеттик бажы кызматынан билдиришти.
Маалыматка караганда, академиянын форумунда кыргызстандык студенттер "Эң мыкты чет өлкөлүк студент" номинациясындагы алты байгелүү орундун бешөөнү ээлеп, ийгилик жаратышты.
Жеңүүчүлөр окуудагы жетишкендиктерин, илимий ишмердүүлүгүн жана академиянын коомдук жашоосуна активдүү катышуусун камтыган комплекстүү баалоонун негизинде аныкталды. Алар:
- Кудайбергенов Дастан Максатбекович — юридикалык факультеттин 4-курсунун студенти (Люберцы ш.);
- Султанов Исхак Уланович — юридикалык факультеттин 3-курсунун студенти (Люберцы ш.);
- Максатбеков Атай Айбекович — экономикалык факультеттин 3-курсунун студенти (Люберцы ш.);
- Рахмаджанов Азамат Куатович — юридикалык факультеттин 3-курсунун студенти (Санкт-Петербург ш.);
- Рыскулов Бектур Асранкулович — бажы иши факультетинин 3-курсунун студенти (Ростов-на-Дону ш.).
Форумдун программасынын алкагында катышуучулар бажы ишинин негизги багыттары менен таанышып, кызматтык иштеги заманбап ыкмалар тууралуу кеңири маалымат алышты жана практикалык билимге ээ болушту.
