Бишкек, 04.03.26. /Кабар/. Корея Кыргызстандын мамлекеттик органдарына Hyundai IONIQ 5 маркасындагы 10 электромобиль берди. Бул тууралуу Экономика жана коммерция министрлигинен билдиришти.
Маалыматка ылайык, унаалар Кыргызстанда "жашыл" мобилдүүлүктү өнүктүрүү жана мамлекеттик кызматтардын автопаркын электр унааларына өткөрүү долбоорунун алкагында берилди.
Бул салтанат долбоорду ишке ашыруунун биринчи этабы болуп саналат.
Мындан ары корей тарап көрсөтүлгөн кызматтардын сапатын жогорулатуу жана экологиялык туруктуу чечимдерди киргизүү максатында “Кыргыз почтасы” ААКтын автопаркын модернизациялоону, ошондой эле мамлекеттик органдар үчүн тиешелүү заряддоо инфраструктурасын түзүүнү пландаштырууда.
