Бишкек, 12.02.26 /Кабар/. Бүгүн саат 09:29 чамасында Түндүк-Түштүк альтернативдик жолунун Арал тилкесинин 198-200-чакырымдар аралыгына кар көчкү түшкөн.
Транспорт жана коммуникациялар министрлигинен билдиришкендей, кар көчкүнүн көлөмү 7000-8000 куб метрди түзгөн.
Учурда жол эки тараптуу жабык. Министрликке караштуу №24 Жол тейлөө ишканасы тарабынан кар көчкүнү тазалоо иштери жүрүп жатат.
Жерине атайын техникалар тартылып, иш алып барууда.
Кошумча маалымат берилет.
