Бишкек, 12.02.26. /Кабар/. Бүгүн Түндүк-Түштүк альтернативдик унаа жолунун Арал-Казарман бөлүгүндө (243-296-чакырымы) кар көчкү түштү. Бул тууралуу Транспорт жана коммуникациялар министрлигинин басма сөз кызматынан билдиришти.
Маалыматка ылайык, жол эки тараптуу жабык. Коопсуздукту камсыз кылуу максатында жерине атайын техника тартылып, жолду тазалоо иштери уланып жатат.
Тазалоо иштери министрликке караштуу №18 Жол тейлөө ишканасы тарабынан жүргүзүлүүдө.
