Бишкек, 11.03.26 /Кабар/. Келерки аптада кыргызстандыктарды узак майрамдык эс алуу күндөрү күтөт. Кыргызстан мусулмандарынын дин башкармалыгынын маалыматы боюнча, Орозо айт майрамы 20-мартка (жума) туш келет.
Андан кийин ишемби күнү Нооруз майрамы белгиленерин эске алганда, республика тургундары катар менен үч күн эс алышат:
- 20-март (жума) — Орозо айт;
- 21-март (ишемби) — Нооруз;
- 22-март (жекшемби) — кадимки эс алуу күнү.
Эскерте кетсек, Кыргызстандын жаңы Эмгек кодексине ылайык, майрам күндөрү ишемби же жекшембиге туш келсе, эс алуу күндөрүн жылдыруу тартиби жоюлган.
