Бишкек, 16.03.26. /Кабар/. Өзгөчө кырдаалдар министрлиги 18-мартка чейин өлкөнүн тоолуу райондорунда жана негизги унаа жолдорунда кар көчкү түшүү коркунучу бар экенин эскертет.
Ведомствонун маалыматына ылайык, туруксуз аба ырайына байланыштуу төмөнкү жол тилкелеринде этият болуу зарыл:
- Бишкек — Ош унаа жолунун 198–255-чакырымдарындагы Ала-Бел ашуусунда жана Чычкан капчыгайында;
- Мырза-Аке — Кара-Кулжа — Алайкуу унаа жолунун 55–115-чакырымдарында;
- Бишкек — Нарын — Торугарт: 292–305-чакырымдарындагы Долон ашуусунда;
- Каракол — Эңилчек унаа жолунун 45–90-чакырымдарындагы Чоң-Ашуу ашуусунда;
- Балыкчы — Казарман — Жалал-Абад унаа жолунун 201–205, 260–290 жана 326–349-чакырымдарындагы Көк-Арт ашуусунда.
"Аталган аймактарда кар күрткүсү күтүлүп, жолдор тайгак болуп, муз тоңот. Коопсуздукту камсыздоо үчүн унаалардын ортосундагы 500 метрлик аралыкты так сактоо талап кылынат", - деп айтылат маалыматта.
