Бишкек, 20.02.26. /Кабар/. Жаратылыш ресурстары, экология жана техникалык көзөмөл министрлиги жалпы экологиялык мыйзам бузуулар тууралуу "108" ишеним телефонуна билдирүүгө чакырат.
Ведомство калдыктарды өрттөө жана ашыкча түтүн чыккан унааларды иштетүү — мыйзам бузуу жана экологияга зыян экенин эскертет. Эгер тигүү калдыктары, дөңгөлөк же башка уулуу заттар күйүп жатса, же унаадан коюу түтүн чыкса жогорудагы ишеним номерине кабарлоону суранат.
Эмне үчүн маанилүү?
- уулуу заттар абаны булгайт;
- түтүн көбөйүп, ден соолукка зыян тийгизет;
- табиятка узак мөөнөттүү зыян келтирет.
Кантип билдирүү керек?
- сүрөт/видео тартып;
- "108ге" чалыңыз;
- дареги, унаанын номери жана башкалар боюнча так маалымат бериңиз.
Ишеним телефону иш күндөрү 09:00дөн 18:00гө чейин иштейт.
