Бишкек, 04.03.26. /Кабар/. Дубай менен Кувейттен Бишкекке келе турган авиакаттамдар кайрадан токтотулду. Бул тууралуу "Кыргызстан аэропорттору" ААКтын басма сөз кызматынан билдиришти.
Маалыматка ылайык, бүгүн таңга маал "Flydubai" авиакомпаниясынын Дубай — Бишкек багыты боюнча учагы "Манас" эл аралык аэропортуна конушу керек болчу. Бирок белгисиз себептерден улам аталган каттам убактылуу токтотулду.
Мындан тышкары, Кувейт — Бишкек багытындагы авиакаттам да токтотулганы белгиленди.
Учурда каттамдардын эмне себептен үзгүлтүккө учураганы жана алардын качан калыбына келтирилери тууралуу кошумча маалымат бериле элек.
