Бишкек, 18.03.26 /Кабар/. Жогорку Кеңештин депутаты Салтанат Аманова Жалал-Абад облусундагы этникалык кыргыздардын кайрылман статусун алууда туш болгон көйгөйлөрүнө көңүл бурду.
Анын айтымында, көпчүлүк жарандар документтерди тариздөөдө баш тартууларга кабылышууда, бул болсо балдарды бала бакчаларга жана мектептерге каттоого тоскоолдук жаратууда.
Депутат белгилегендей, мындай абал Жайыл жана Панфилов райондорунда да байкалууда, ал жерде кызматкерлер статус берүүдөн баш тартып, орой мамиле жасап жатышат.
Аманова кырдаалды изилдөө жана район башчылары менен жооптуу адистердин катышуусунда тийиштүү чечимдерди иштеп чыгуу үчүн атайын комиссия түзүүнү сунуштады.
