Бишкек, 04.03.26 /Кабар/ Быйыл борбор калаага 2 млн гүл отургузулат.
Муниципалитеттен билдиришкендей, 2026-жылы Бишкекти жашылдандыруу иштеринин көлөмү кыйла кеңеет.
"Бишкек жашыл чарба" муниципалдык ишканасы быйыл борбор калааны көрктөндүрүү боюнча масштабдуу программа даярдады. Ага ылайык, шаар ичиндеги сейил бактарга, аянттарга жана борбордук көчөлөрдүн боюндагы гүлзарларга 2 миллионго жакын бир жылдык гүл отургузулат.
Аба ырайынын жылуу болушуна байланыштуу, 10-апрелге чейин 230 миңден ашык жоогазын гүлдөшү күтүлүүдө.
Жашылдандыруу иштери атайын бекитилген эрежелерге ылайык этап-этабы менен жүргүзүлүп, гүлзарлардын сезон бою кооздугун сактоого багытталат.
