Бишкек, 14.07.26 /Кабар/. Маданият, маалымат жана жаштар саясаты министри Мирбек Мамбеталиевдин бир иш күнүн чагылдырылган “Ачык кабинет: жоопкерчилик аймагы” медиадолбоору уланууда.
Улуттук тарых музейиндеги аппараттык жыйындан соң министр ЖМК өкүлдөрү коштоосунда “ШКУ өлкөлөрүнүн цивилизациялар диалогу – 2026” эл аралык иш-чарасына катышып жатат.
Бул иш-чарага ошондой эле, Шанхай кызматташтык уюмуна мүчө жана өнөктөш өлкөлөрдөн келген мамлекеттик өкүлдөр, маданият ишмерлери, эксперттер жана жаштар уюмдарынын өкүлдөрү катышууда.
Иш-чаранын негизги максаты – өлкөлөр ортосундагы маданий-гуманитардык байланыштарды бекемдөө жана цивилизациялар аралык өз ара түшүнүшүүнү өнүктүрүү болуп саналат.
Диалогдун алкагында расмий ачылыш аземи, маданий программалар, көргөзмөлөр жана тегерек столдор өтөт.
Катышуучулар маалымат каражаттарынын кызматташуусу, тарыхый-маданий мурастарды сактоо, гуманитардык байланыштарды кеңейтүү жана заманбап технологиялар жаатындагы кызматташтык маселелерин талкуулашат.
