Бишкек, 28.06.26. /Кабар/. Бишкекте Семетей көчөсүндөгү реконструкция иштерине байланыштуу 6 автобустук каттамдын кыймыл чиймелери убактылуу өзгөртүлөт
Муниципалитеттен билдиришкендей, аталган унаа жолдун Садырбаев көчөсүнөн Айтматов проспектисине чейинки бөлүгү реконструкцияланат.
Өзгөртүүлөр төмөнкү автобус каттамдарына тиешелүү: №1, №8, №33, №55, №56 жана №103.
"Реконструкция иштери аяктаганга чейин автобустар жакын жайгашкан альтернативдүү көчөлөр аркылуу каттап, жүргүнчүлөрдү тейлөөнү улантат", - деп айтылат маалыматта.
