Бишкек, 16.10.25. /Кабар/. 13-19-октябрь аралыгында өлкө аймагында "Үйрөтүүчү транспорт каражаты" аталышындагы рейд өтүүдө. Бул тууралуу Жол кыймлынын коопсуздугун камсыздоо башкы башкармалыгынан билдиришти.
Рейддин максаты жол кырсыктарын алдын алуу жана айдоочуларды даярдоонун сапатын жогорулатуу.
Рейддин алкагында авто мектептердин окутуучу жана үйрөтүүчү унаалары текшерилип, төмөнкү кемчиликтерге көңүл бурулуп жатат:
- үйрөтүүчү унаалардын кошумча педалдарынын мыйзамдуулугу;
- айдоочулук китептер жана маршруттук схемалары;
- үйрөтүүчүлөрдүн квалификациясы.
Кемчиликтерди жоюу боюнча түшүндүрүү иштери жүргүзүлүп, мыйзам бузгандарга протоколдор түзүлүүдө.
