Бишкек, 13.02.25. /Кабар/. Бүгүн Жогорку Кеңештин жыйынында Нурдан Орунтаевди курулуш, архитектура жана турак жай-коммуналдык чарба министри кызмат ордуна дайындоого макулдук берүү маселеси каралды.
Парламенттен билдиришкендей, талкуу маалында депутаттар бир катар сунуштарын айтты.
Талкуунун жыйынтыгында Жогорку Кеңеш Нурдан Орунтаевди курулуш, архитектура жана турак жай-коммуналдык чарба министри кызмат ордуна дайындоого макулдук берди.
Бул багытта Жогорку Кеңештин тиешелүү токтому кабыл алынды.
