Бишкек, 19.05.25. /Кабар/. Күн мурун Жамааттык коопсуздук келишим уюмуна мүчө өлкөлөрдүн парламенттеринин жетекчилери "Ала-Арча" мамлекеттик жаратылыш паркына барышты. Бул тууралуу Жогорку Кеңештин басма сөз кызматы билдирди.
Жаратылыш паркына төрага Нурланбек Тургунбек уулу менен бирге Россиянын Мамлекеттик Думасынын төрагасы Вячеслав Володин, Казакстандын Парламентинин Мажилисинин төрагасы Ерлан Кошанов жана Тажикстандын Оли Мажлиси намояндагон Мажлисинин төрагасы Файзали Идизода барды.
Ардактуу конокторго кыргыз элинин маданиятын чагылдырган программа тартууланып, руханий баалуулуктарыбызды даңазалаган оюн-зоок көрсөтүлдү.
Эскерте кетсек, эртең 19-майда ЖККУ ПАнын Кеңешинин жыйыны өтөт. Жыйынга Жогорку Кеңештин төрагасынан тышкары Россия, Казакстан, Тажикстан жана Беларустун парламенттеринин жетекчилери катышат.
