Бишкек, 28.05.26. /Кабар/. Башкы прокуратура жүргүзгөн текшерүүнүн алкагында жеке ветеринардык адистердин укуктары мыйзамсыз чектелгени аныкталды.
Прокуратурадан маалымдашкандай, мурда кабыл алынган айрым актылардан улам, алар азык-түлүк базарларында ветеринардык-санитардык экспертиза жүргүзүү мүмкүнчүлүгүнөн ажырап калышкан.
Башкы прокуратуранын талабы менен министрлер кабинети тиешелүү токтомго өзгөртүүлөрдү киргизди.
Натыйжада жеке ветеринардык дарыгерлердин укуктары төмөнкүдөй калыбына келтирилди:
- Базарларда ветеринардык-санитардык экспертиза жүргүзүү укугу;
- Тийиштүү сыноо протоколдорун берүү укугу;
- Азык-түлүк базарларындагы лабораториялар жөнүндө жаңы жобонун бекитилиши.
"Учурда 21 жеке ветеринардык адис менен экспертиза жүргүзүү боюнча келишимдер түзүлдү", — деп айтылат маалыматта.
