Бишкек, 15.05.26. /Кабар/. Бүгүн, 5-майда Ч. Түлөбердиев атындагы сейил багында “Жаштар жумалыгынын” алкагында бак отургузуу акциясы өттү. Бул тууралуу мэриядан билдиришти.
Маалыматка ылайык, иш-чаранын жүрүшүндө катышуучулар мэр Айбек Жунушалиев менен биргеликте 20 көчөт, анын ичинде 11 катальпа жана 9 эмен бактарын отургузушту.
Иш-чара жаштардын айлана-чөйрөгө болгон сүйүүсүн арттыруу жана экологиялык маданиятын калыптандыруу максатында уюштурулду. Акциянын жүрүшүндө шаар мэри бак отургузуу менен гана чектелбестен, аларды мындан ары дагы камкордук менен карап, багып өстүрүү чоң жоопкерчилик экенин белгиледи.
Бак отургузуу акциясынан кийин жаштар менен шаар мэринин ачык диалогу болду. Катышуучулар кызыктырган суроолорду берип, тиешелүү жоопторду алышты.
Жолугушууда жаштар саясатын өнүктүрүү, жаштар үчүн шарттарды түзүү, ошондой эле шаарды өнүктүрүүгө байланышкан актуалдуу маселелер жана келечектеги пландар талкууланды.
Белгилей кетсек, “Жаштар жумалыгы” 100дөй окуучуну жана жогорку окуу жайлардын студенттерин бириктирди.
