Бишкек, 04.11.26. /Кабар/. Кыргызстанда 18 жаштан 35 жашка чейинки 1 млн 735 миңге жакын жаран шайлоочулардын жалпы санынын 42 пайыздан ашыгын түзөт. Бул тууралуу Бишкекте жаштардын шайлоодогу активдүүлүгүн жогорулатуу жолдору талкууланган жыйында айтылганын Боршайком билдирди.
Жыйында комиссиянын төрагасынын орун басары Лейла Лурова бирок алардын шайлоого катышуусу төмөн болуп жатканын белгиледи.
Анын айтымында, 2025-жылдын 30-ноябрында өткөн мөөнөтүнөн мурдагы парламенттик шайлоодо жаш шайлоочулардын 486 миңге жакыны гана добуш берген.
Ошондой эле жыйында жаштардын шайлоого аз катышуусунун себептери, эл аралык тажрыйба жана алардын шайлоого болгон кызыгуусун арттыруу жолдору каралды.
Талкуунун жыйынтыгында жаштардын электоралдык активдүүлүгүн жогорулатуу боюнча жол картасын иштеп чыгуу үчүн сунуштар чогултулду.
Иш-чара БШКнын алдындагы Шайлоочуларды жарандык окутуу жана шайлоо технологиялары борбору тарабынан уюштурулду.
