Бишкек, 06.07.26 /Кабар/. "Жаш таңдай – 2026" жаш төкмө акындар республикалык айтышынын жеңүүчүлөрү аныкталды. Бул тууралуу "Манас" театрынан билдиришти.
Маалыматка ылайык, айтышка өлкөнүн ар кайсы аймактарынан келген жаш төкмө акындар катышып, өздөрүнүн төкмөлүк чеберчилигин, тапкычтыгын жана сөз өнөрүн тартуулашты.
Калыстар тобунун чечими менен жеңүүчүлөр төмөнкүдөй аныкталды:
- баш байге – Актилек Кулпейишов;
- I орун – Фарида Султанжанова;
- II орун – Кубаныч Жамадилов;
- III орун – Сыймык Искаков.
Белгилей кетсек, иш-чара президенттин "Улуттук дем – дүйнөлүк бийиктик" уңгужолу жөнүндө жарлыгын ишке ашыруу максатында өткөрүлдү.
