Бишкек, 03.03.25. /Кабар/. Жаратылыш ресурстары, экология жана техникалык көзөмөл министрлиги менен ЕККУнун Программалык кеңсесинин ортосунда кызматташуу планына кол коюлду.
Ведомстодон маалымдашкандай, кол коюу аземине министр Медер Машиев жана Бишкектеги ЕККУнун Программа кеңсесинин башчысы Алексей Рогов катышты.
Бул план экология жана экологиялык коопсуздук боюнча биргелешкен иш-чараларды камтыйт жана алар жыл ичинде ишке ашырылат.
Белгилей кетсек, ЕККУ көп жылдан бери министрликтин адистеринин потенциалын жогорулатууга эксперттик колдоо көрсөтүп, техникалык жардам берип, Кыргыз Республикасынын Орхус Конвенциясы боюнча милдеттемелерин аткарууга жана өлкөдөгү Орхус борборлорунун иштешине көмөк көрсөтүп келет.
Белгилүү болгондой, Орхус борборлору коомчулуктун айлана-чөйрөнү коргоо маселелери боюнча маалымдуулугун жогорулатууда маанилүү ролду ойнойт.
