Бишкек, 28.05.25. /Кабар/. Күн мурун Жаратылыш ресурстары, экология жана техникалык көзөмөл министри Медер Машиев ведомствонун аймактык жана ведомстволук бөлүмдөрүнө тогуз жаңы унааны салтанаттуу түрдө тапшырды.
Министрликтин басма сөз кызматы билдиргендей, унаалар 4 JAC T8 пикап унаасы жана 5 CHEVROLET LABO 7T12 үлгүсүндө.
Жаңы жабдуулар кызматтык колдонууга арналган жана жеринде адистердин алдында турган көйгөйлөрдү тез арада чечүүгө жардам берет. Анын ичинде жаратылыш объекттерине мониторинг жүргүзүү, экологиялык көзөмөл жана техникалык көзөмөл.
Саамалыктын жүрүшүндө министр министрликтин аймактык түзүмдөрүн системалуу колдоонун маанилүүлүгүн белгиледи.
“Мындай каржылык жардам эмгек шарттарынын жакшырышына гана эмес, айлана-чөйрөнү коргоо тармагында көрсөтүлүүчү кызматтардын сапатын жалпысынан жакшыртууга шарт түзөт”,-деди ал.
