Бишкек, 02.02.26. /Кабар/. Өзгөчө кырдаалдар министрлиги 2-февралда күтүлгөн аба ырайы тууралуу маалымат берди.
Ага ылайык, бүгүн Жалал-Абад облусунун тоолуу райондорунда кар жаашы күтүлөт, ал эми дыйканчылык аймактарында жана калган аймактарда жаан-чачын күтүлбөйт.
Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт.
Абанын температурасы Талас облусунда +6…+11, Ысык-Көл облусунда +3…+8, Чүй облусунда +7…+12, Ош, Жалал-Абад, Баткен облустарында +8…+13 градус жылуу, Нарын облусунда -3…-8 градус суук болот.
Термометрдин көрсөткүчү Бишкек шаарында +10…+12, Ош шаарында +8…+10 градусту түзөт.
