Бишкек, 22.10.26. /Кабар/. Чүй облустук төрөт үйүнүн капиталдык оңдоодон өткөн имаратына көчүү 2026-жылдын 1-декабрына чейин пландалууда.
Саламаттык сактоо министрлигинен билдиришкендей, учурда оңдоо иштери аяктоо алдында турат.
Чүй облусунун саламаттык сактоо боюнча координатору Алмазбек Аскаровдун маалыматына караганда, палаталарга линолеум төшөө жана от казанын газ магистралына туташтыруу иштери калды. Ошондой эле имараттын айланасын көрктөндүрүү иштери жүргүзүлүүдө, короого асфальт төшөө аяктады.
Оңдоо иштери бүткөндөн кийин төрөт үйү энелер жана жаңы төрөлгөн ымыркайлар үчүн жаңыланган шартта кызмат көрсөтөт.
