Бишкек, 22.06.26. /Кабар/. Алай районундагы Сопу-Коргон айылында жаңы спорт комплекси курулууда.
Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттин эсебинен каржыланып, жалпы наркы 37 млн сомду түзөт.
Жаңы спорт комплекси заманбап стандарттарга жооп берет. Анда волейбол жана баскетбол аянтчалары, ошондой эле машыгуу залы каралган. Мындан тышкары, машыктыруучулар үчүн кабинет жана бардык шарттары каралган кийим алмаштыруучу жайлар болот.
"Учурда объекттин курулушу дээрлик аяктап, сырткы жасалгалоо иштери жүргүзүлүүдө", - деп айтылат маалыматта.
