Бишкек, 05.08.25. /Кабар/. Ысык-Көлдө эс алуучулардын коопсуздугу үчүн көл түбүндөгү коркунучтуу темир конструкция чыгарылды. Бул тууралуу облустук милициядан билдиришти.
Маалыматка ылайык, бул кооптуу объект — мурунку пирстин чатыры болуп, ал 2 жыл мурун катуу шамалдын кесепетинен суу астына түшүп кеткен.
Көл түбүндөгү темир конструкцияны кесипкөй суучул Кубанычбек уулу Бекжан видеого тартып, социалдык тармактарга жарыялаган. Аталган маалымат коомчулукта кызуу талкуу жараткан.
Жарандык жоопкерчилик көрсөткөн Бекжандын кайрылуусу Ысык-Көл ОИИБдин жетекчилиги тарабынан көңүл борборуна алынып, 4-август күнү коопсуздукту камсыздоо максатында өзгөчө чара көрүлдү.
