Кыргызстан БУУ менен азык-түлүк коопсуздугу боюнча кызматташууну кеңейтет

Коом
Кыргызстан БУУ менен азык-түлүк коопсуздугу боюнча кызматташууну кеңейтет
copyright icon ТИМ

Бишкек, 24.10.26. /Кабар/. Тышкы иштер министринин биринчи орун басары Асеин Исаев 23-октябрда БУУнун Дүйнөлүк азык-түлүк программасынын (ДАТП) аткаруучу директорунун милдетин аткаруучу Карл Скау менен жолугушту.

Ведомтсводон маалымдашкандай, тараптар азык-түлүк коопсуздугун камсыз кылуу, мектептеги тамактануу программаларын кеңейтүү, калктын аялуу катмарларын колдоо жана тоолуу аймактардын климаттык туруктуулугун жогорулатуу маселелерин талкуулашты.

Кыргызстан БУУ менен азык-түлүк коопсуздугу боюнча кызматташууну кеңейтет

Асеин Исаев Кыргызстандын БУУнун ДАТП менен кызматташтыгын мындан ары бекемдөөгө даяр экенин билдирип, Карл Скауну 2027-жылдын октябрында Бишкекте өтө турган ”Бишкек+25“ Экинчи глобалдык тоо саммитине катышууга чакырды.

Жолугушуунун жыйынтыгында тараптар өнөктөштүктү өнүктүрүүнү жана кызматташууну улантууну макулдашты.