Бишкек, 10.11.25. /Кабар/. Ысык-Ата районундагы 80 гектар жер мамлекеттин балансына кайтарылды. Бул тууралуу УКМКдан билдиришти.
Атайын кызмат уюшкан кылмыштуу топтордун мүчөлөрүнүн ишин каржылоо фактысы боюнча козголгон кылмыш ишин тергөөнүн алкагында, ошондой эле кылмыш жолу менен алынган кирешелерди легализациялоо (адалдоо) тууралуу Камчы Асанбектин уюшкан кылмыштуу тобун каржылоо максатында жеке ишкерлерден акча талап кылуу фактылары аныкталды.
Бул ишке байланыштуу жүргүзүлгөн ыкчам-иликтөө иш-чараларынын жыйынтыгы менен Ысык-Ата районунун аймагындагы 80 гектар жер мамлекеттик баланска кайтарылган.
Учурда КР УКМК уюшкан кылмыштуу топтун мүчөлөрү тарабынан мыйзамсыз алынган мүлктөрдү аныктоого багытталган тергөө-ыкчам иш-чаралары улантылууда.
