Бишкек, 30.12.25 /Кабар/. Транспорт каражаттарын жана айдоочулук курамды каттоо мамлекеттик борбору (Унаа) жаңы жылдык майрамдарга байланыштуу кыска мөөнөттүү эс алуу күндөрүнө чыгат. Бул тууралуу борбордон билдиришти.
Мекеменин майрамдардагы иш графиги төмөндөгүдөй болот:
— 2025-жылдын 31-декабрында борбордун бардык бөлүмдөрү жарандарды саат 16:30га чейин кабыл алат.
Ал эми “Биримдик-24” филиалы жана Ош аймактык бөлүмү саат 17:30га чейин иштейт.
— 2026-жылдын 1-январынан 11-январына чейин — эс алуу күндөрү.
— 2026-жылдын 12-январынан тарта мекемеде кадимки иш тартиби уланып, жарандарды тейлөөнү кайрадан баштайт.
Борбор жарандарды келе жаткан 2026-жыл менен куттуктап, көрсөтүлгөн иш графигин эске алуу менен иш сапарларын алдын ала пландаштырууга чакырат.
