Бишкек, 25.02.25. /Кабар/. Бишкектеги Токтогул Сатылганов атындагы Улуттук филармониянын сахнасында "Раймалы менен Бегимайдын" махабаты тартууланды.
Маданият министрлигинен билдиришкендей, күн мурун президенттин “Улуттук нарк жөнүндө” жарлыгынын негизинде Чыңгыз Айтматовдун чыгармасы боюнча “Раймалы менен Бегимай” этно-мюзикли көрүүчүлөргө тартууланып, анда кыргыздын улуу өнөрүн, маданий баалуулугун, каада-салт, үрп-адатын көрө алышты.
Мюзиклде бири-бирин чын дилинен сүйгөн татаал тагдыры чагылдырылган.
Долбоордун автору жана жетекчиси КР эл артисти Кыргызбай Осмонов, либреттосун КР эл акыны Аалы Туткучев жазган. Режиссеру — Айнура Качкынбек кызы.
Бул легенда Чыңгыз Айтматовдун "Кылым карытар бир күн" романында баяндалган. Жазуучу экинчи уламышта Раймалы менен он гүлүнүн бир гүлү ачыла элек Бегимайдын махабатын берген. Автор легенда аркылуу адам баласына бир келүүчү сүйүү сезими карылыгына карабай Раймалынын, жаштыгына карабай Бегимайдын бирдей эле деңгээлде жан дүйнөлөрүн ээлеп алганын көрсөткүсү келген.
