Бишкек, 02.03.26. /Кабар/. Ички иштер министрлигинин Түркиядагы өкүлү Манас Аманбаев Анкара шаарында билим алып жаткан кыргызстандык студенттер менен жолукту.
Ведомстводон маалымдашкандай, жолугушууда Түркиянын аймагында жүргөн Кыргызстандын жарандарынын арасындагы укук бузууларды жана кылмыштуулукту алдын алуу боюнча түшүндүрүү иштери жүргүзүлдү.
Манас Аманбаев студенттерге Түркиядагы мыйзамсыз миграция, аткезчилик жана экстремизм сыяктуу укук бузуулардын алдын алуу боюнча түшүндүрүү иштерин жүргүздү. Ал эми студенттер кызыктырган суроолоруна жооп алышты.
