Бишкек, 24.02.26 /Кабар/. Быйылкы жылдын 23-февралына карата – турак жайы өрттөн жана башка табигый кырсыктардан жабыркаган 37 жаранга 8 млн 720 миң 188 сом сом өлчөмүндө каражат төлөнүп берилди. Бул тууралуу “Кабар” агенттигине Мамлекеттик камсыздандыруу уюмунан билдиришти.
Ал эми 2025-жылдын 31-декабрына карата – 247 жаранга жалпы 31 млн 878 миң сом төлөнүп, 357 миң 480 турак жайга камсыздандыруу келишими түзүлгөн.
2025-жылы турак жай фондунда катталган 1 млн 251 миңден ашуун үйдүн 27,5% камсыздандырылган. 2021-2022-жылдары бул көрсөткүч 10% болсо, бүгүн 30%га жакындады.
Бул көрсөткүчтөр төлөмдөрдүн да жана турак жайын камсыздандыргандардын да саны көбөйүп жаткандыгын айгинелейт.
