Бишкек, 22.10.26. /Кабар/. Түркиянын Трабзон шаарында 17-21-октябрда өткөн ТҮРКСОЙдун III Жаштар жолугушуусуна 21 өлкөнүн өкүлдөрү катышты. Бул тууралуу ТҮРКСОЙдун катчылыгынан билдиришти.
Иш-чара түрк дүйнөсүнүн жаштарынын ортосундагы маданий байланыштарды чыңдоого жана биргелешкен демилгелерди өнүктүрүүгө багытталды.
ТҮРКСОЙ жана Трабзон шаарынын мэриясы уюштурган форумда маданият, илим, искусство, санариптик технологиялар жана эл аралык кызматташтык маселелери талкууланды. Жаштар өз долбоорлорун сунуштап, тажрыйба алмашышты.
Программанын алкагында катышуучулар тарыхый жайлар менен таанышып, маданий иш-чараларга катышты. Жолугушуу 21-октябрда жыйынтыкталды.
