Бишкек, 23.06.26. /Кабар/. Токтогул районунун Торкен айылында жарым фабрикат өндүрүүчү чакан ишкана ачылды.
Суу ресурстары, айыл чарба жана кайра иштетүү өнөр жайы министрлигинен билдиришкендей, аталган цехти жеке ишкер Тилек Коңурбаев түптөдү.
"Жаңы ачылган ишкана "Сиз үчүн" аталышындагы соода маркасы алдында өз продукцияларын чыгарып, жергиликтүү калкты сапаттуу жана жеткиликтүү азык-түлүк менен камсыз кылууну максат кылууда", - деп айтылат маалыматта.
Учурда цехте 10 кыз-келин туруктуу жумуш орду менен камсыз болуп, алардын үй-бүлөлөрүнүн социалдык абалын чыңдоого салым кошулууда.
Мындан тышкары, ишкананын келечектеги пландарында өндүрүш көлөмүн кеңейтүү, жумуш орундарын көбөйтүү жана продукция менен бүтүндөй районду камсыз кылуу максаты коюлган.
