Бишкек, 12.02.25. /Кабар/. Президенттин Жалал-Абад облусундагы өкүлү Тилек Текебаев Чаткал районунун Каныш-Кыя айылындагы жаңыдан түзүлгөн бугу чарбасы менен таанышты. Бул тууралуу өкүлчүлүктөн билдиришти.
Аталган корукту уюштурууга райондун өнүктүрүү фонду тарабынан 3 млн сомдон ашуун каражат бөлүнгөн. Бүгүнкү күндө анда Орусиянын Алтай аймагынан алынып келинген 40 баш бугу каралууда.
Облус башчысы буга чейин бул демилгени ишке ашыруу максатында жергиликтүү бийликке тийиштүү тапшырмалар берилгенин айтты. Түзүлгөн бугу чарбагы райондун өзгөчөлөнгөн туристтик потенциалын, жергиликтүү бюджеттин киреше бөлүгүн арттырууга жакшы шарт түзөөрүн белгиледи.
