Бишкек, 13.05.26. /Кабар/. Соода-өнөр жай палатасынын президенти Темир Сариев Казань шаарында Татарстандын раиси Рустам Миннихановдун чет өлкөлүк соода-өнөр жай палаталарынын жетекчилери менен болгон жолугушуусуна катышты.
Платадан билдиришкендей, жолугушуу XVII Эл аралык экономикалык форум – "Россия – Ислам дүйнөсү: KazanForum-2026" алкагында өттү.
Жолугушууда Темир Сариев ислам дүйнөсүндөгү өлкөлөрдүн бизнес-коомчулугу ортосундагы өнөктөштүктү чыңдоонун маанилүүлүгүн белгилеп, соода, инвестиция, өнөр жай кооперациясы жана логистика багыттарында чоң мүмкүнчүлүктөр бар экенин айтты.
"Бүгүн Соода-өнөр жай палаталары мамлекеттер менен бизнестин ортосундагы натыйжалуу көпүрөгө айланууда. Кыргызстан үчүн эл аралык байланыштарды кеңейтүү, жаңы рынокторго чыгуу жана туруктуу өнөктөштүктү өнүктүрүү абдан маанилүү", – деди Сариев.
Кыргызстандын Соода-өнөр жай палатасынын KazanForum-2026 форумуна катышуусу палатанын экономикалык дипломатияны илгерилетүүдөгү жана эл аралык кызматташтыкты өнүктүрүүдөгү активдүү ролун дагы бир жолу тастыктады.
Белгилей кетсек, 27 чет өлкөлүк соода-өнөр жай палатасынын өкүлдөрү жана Россиянын аймактарынан келген делегациялар катышып, эл аралык ишкердик кызматташтыкты өнүктүрүүнүн маанилүү аянтчаларынын бири болду.
