Бишкек, 12.11.26. /Кабар/. Кыргызстанга эл аралык капиталды тартуу жана инвестициялык долбоорлорду каржылоо мүмкүнчүлүктөрү Гонконгдун Guosen Securities (HK) Capital Company Limited финансылык компаниясынын өкүлдөрү менен талкууланды.
Инвестициялар боюнча улуттук агенттиктен билдиришкендей, 11-ноябрда агенттиктин башчысы Равшанбек Сабиров компания өкүлдөрү менен жолугушту.
Тараптар келечектүү долбоорлорду каржылоодо заманбап финансылык инструменттерди колдонуу, облигацияларды чыгаруу жана карыздык каржылоону тартуу маселелерин карашты.
Жолугушуунун жыйынтыгында тараптар мындан аркы кызматташтыкты өнүктүрүүгө жана анын мүмкүн болгон багыттарын биргелешип иштеп чыгууга кызыкдар экенин билдиришти.
