Бишкек, 11.03.26. /Кабар/. Тбилиси шаарында Кыргызстандын Грузиядагы элчиси Максат Мамытканов Грузиянын мамлекеттик органдарынын жетекчилери жана ишкер чөйрөсүнүн өкүлдөрү менен бир катар жолугушууларды өткөрдү.
ТИМден билдиришкендей, элчи Грузиянын башкы прокурору Георгий Гваракидзе, юстиция министри Паата Салия жана ички иштер министри Гела Геладзе менен сүйлөшүүлөрдү жүргүздү.
Жолугушуулардын жүрүшүндө эки өлкөнүн ыйгарым укуктуу органдарынын ортосундагы кызматташтыкты чыңдоо, укуктук тармактагы өз ара аракеттенүү, трансулуттук кылмыштуулукка каршы күрөшүү жана тажрыйба алмашуу маселелери талкууланды.
Ошондой эле элчи Грузиянын бизнес-коомчулугунун өкүлдөрү менен жолугушуп, анда соода-экономикалык байланыштарды кеңейтүү жана биргелешкен инвестициялык долбоорлорду ишке ашыруу мүмкүнчүлүктөрү каралды.
