Бишкек, 10.11.26 /Кабар/. Коопсуздук кеңешинин катчысы Адилет Орозбеков бүгүн Москвада Жамааттык коопсуздук жөнүндө келишим уюмунун Тышкы иштер министрлер кеңешинин, Коргоо министрлер кеңешинин жана Коопсуздук кеңештеринин катчыларынын комитетинин биргелешкен жыйынына катышты.
Иш-чаранын жүрүшүндө жамааттык коопсуздукка коркунуч келтирген чакырыктарга жана коркунучтарга жооп кайтаруу боюнча кызматташуунун негизги багыттары талкууланып, Уюмдун ишмердүүлүгүн жакшыртууга багытталган бир катар чечимдер кабыл алынды.
Бул жыйын мамлекет башчыларынын катышуусунда 2026-жылдын 11-ноябрына белгиленген ЖККУнун Жамааттык коопсуздук кеңешинин кезектеги сессиясынын алдындагы акыркы маанилүү этап болуп саналат.
