Бишкек, 12.02.26. /Кабар/. 13-февралда министрлер кабинетинин төрагасы Адылбек Касымалиевдин чакыруусу боюнча Тажикстандын премьер-министри Кохир Расулзода Кыргызстанга иш сапары менен келет.
Сапардын алкагында Кохир Расулзода Кыргыз-тажик өкмөттөр аралык Кеңешинин биринчи жыйынына катышат.
Анда бир катар документтерге кол коюу күтүлүүдө.
Мындан тышкары, эки өлкөнүн өкмөт башчылары Бишкек шаарындагы инфраструктуралык ишканаларга барышат.
