Ташкент, 10.06.25. /Кабар/. Өзбекстандын борбору Ташкент шаарында Борбор Азиядагы эң ири IV Ташкент эл аралык инвестициялык форуму башталды. Форумга Өзбекстандын президенти Шавкат Мирзиёев келди. Учурда Мирзиёев сөз сүйлөп жатат.
Ал эми, Кыргызстандан аталган форумга министрлер кабинетинин төрагасы Адылбек Касымалиев жетектеген делегация катышууда. Форумдун жүрүшүндө минкаб төрагасынын сөз сүйлөөсү күтүлүүдө.
Бул ирет форумга 100гө жакын өлкөдөн 8 миңден ашуун делегат, анын ичинде мамлекет башчылары, өкмөт жетекчилери, эл аралык каржы институттарынын жана ири компаниялардын өкүлдөрү катышууда.
Форумду дүйнөнүн 31 өлкөсүнөн келген маалымат каражаттарынын өкүлдөрү чагылдырат. Алардын катарында Кыргызстандын «Кабар» агенттигинин өкүлдөрү да бар.
