Бишкек, 13.11.26 /Кабар/. Улуттук тарых музейинде Түркиянын археологиялык мурастарына арналган фотокөргөзмө ачылды. Бул тууралуу Маданият, маалымат жана жаштар саясаты министрлигинен билдиришти.
Маалыматка ылайык, көргөзмө Кыргыз-Түрк “Манас” университети менен биргеликте уюштурулду.
Иш-чаранын жүрүшүндө эки мекеменин ортосундагы кызматташтыкты өнүктүрүү, илимий жана маданий байланыштарды чыңдоо маселелери белгиленди.
Көргөзмөгө Түркияда 2025–2026-жылдары жүргүзүлгөн археологиялык казуулардын жүрүшүн, табылган тарыхый буюмдарды жана маданий мурастарды чагылдырган фотосүрөттөр коюлду.
