Бишкек, 28.04.25. /Кабар/. Казакстанда Чүй жана Талас дарыяларындагы мамлекеттер аралык суу чарба объекттерин пайдалануу боюнча Кыргызстан менен Казакстандын комиссиясынын 35-жыйыны болуп өттү.
Кыргыз делегациясын министрлер кабинетинин төрагасынын орун басары - суу ресурстары, айыл чарба жана кайра иштетүү өнөр жайы министри Бакыт Төрөбаев жетектеди, ал эми Казакстандык делегацияны суу ресурстары жана ирригация вице-министри Нурлан Алдамжаров жетектеди.
Тараптар Чүй жана Талас дарыяларында мамлекеттер аралык пайдалануу объектилерин биргелешкен каржылоо жөнүндө жана бир катар башка маселелер талкууланды.
Иш-чаранын жыйынтыгында комиссиянын 35-отурумунун протоколуна кол коюлду. Ага ылайык, Кыргызстан 2025 — жылдын сугат мезгилинин алкагында Казакстанга 580 млн м3 суу жиберет (Талас дарыясы боюнча 400 млн м3 суу, Чүй дарыясы боюнча дагы 180 млн м3 суу берилет).
