Бишкек, 29.04.26. /Кабар/. Бүгүн Бишкек шаарынын 148 жылдыгын белгилөөнүн алкагында мэр Айбек Жунушалиев муниципалдык түзүмдөргө жаңы кызматтык техникаларды тапшырды.
Муниципалитеттен билдиришкендей, анда мэр шаардык кызматтардын мобилдүүлүгүн жана натыйжалуулугун жогорулатуу үчүн 11 жаңы унаанын ачкычтарын жана 10 заманбап электровелосипедди тапшырды.
"Башкы максат – шаардык кызматтардын сапаттуу жана ыкчам иштөөсүн камсыз кылуу. Берилген техника ишиңиздерди жеңилдетип, шаардын өнүгүшүнө салым кошот деп ишенем", – деди ал.
Мындан тышкары, бүгүн борбор калаада фонтандар сезону ачылып, мэриянын алдындагы реконструкцияланган фонтан ишке кирди. Шаар башчысы техникалык базаны жаңылоо муниципалдык кызмат көрсөтүүлөрдүн сапатын жакшыртууга багытталганын баса белгиледи.
