Бишкек, 29.10.25 /Кабар/. Кыргыз элине болгон жылуу мамилем өзгөргөн жок. Бул тууралуу Россиянын эл артисти Сергей Жилин аталган өлкөнүн Кыргызстандагы маданият күндөрүнүн расмий ачылышында билдирди.
Сергей Жилин маданият күндөрүнүн салтанаттуу ачылышында “Фонограф-Симфо Жаз” оркестрин жетектеди.
“Кыргызстан менен Россия мен үчүн жөн гана достук мамиледеги мамлекеттер же санаалаш элдер эмес. Биз бир кезде чоң жана ынтымактуу үй-бүлө болгонбуз. Ошондуктан кыргыз элине болгон жылуу мамилем өзгөргөн жок.
Кыргызстан — мен үчүн эң жакын өлкөлөрдүн бири, ал эми бул жердеги эл бизди абдан жылуу жана сый-урмат менен тосуп алды.
Биз бул концертке көп убакыт жана күч жумшадык, ошондуктан ал жогорку деңгээлде өтөт деп терең ишенем”,-деди ал.
Белгилей кетсек, Россиянын Кыргызстандагы маданият күндөрү Улуттук филармонияда салтанаттуу түрдө ачылып, Россиянын белгилүү эстрада жылдыздары жана таланттуу музыканттары катышкан концерттик программа менен тартууланды.
Ошондой эле эртеңден тарта 2-ноябрга чейин маданият күндөрүнүн алкагында учурда актуалдуу россиялык тасмалар акысыз көрсөтүлүп, театр сүйүүчүлөрү “12” театрынын спектаклдерине күбө боло алышат
